«Եվրոպան պատրաստվում է Տավուշի և Սյունիքի ընդերքը շահագործել Ադրբեջանի հետ»․ Արմինե Ադիբեկյան

Ադրբեջանագետ Արմինե Ադիբեկյանի կարծիքով՝ Եվրոպան ՀՀ անվտանգության համար կարող է շատ բան անել, սակայն, վստահ է, ոչինչ չի անելու․ «Նրանք շատ բան կարող են անել, բայց այդ կարողություններից ո՞ր կետերը կկիրառեն, մեծ հարց է։ Օրինակ, Գերմանիան՝ եվրոպական ընտանիքի առաջատար երկիրը, պատրաստվում է խորացնել Ադրբեջանի հետ հարաբերությունները և բնական է, որ ոչինչ չի անելու ադրբեջանական ագրեսիվ նկրտումները սաստելու համար։ Եվրոպային շատ հետաքրքիր է Սյունիքի և Տավուշի ընդերքը, և նրանք պատրաստվում են այդտեղ առկա ոսկու, պղնձի, լիթիումի պաշարները շահագործել Ադրբեջանի հետ, նրանց ձեռնտու է, որ այդ տարածքներն անցնեն Ադրբեջանին։ Իսկ զուգահեռ իրականությունում Հայաստանը ստանում է միայն փուչ խոստումներ»,- ասել է Ադիբեկյանը։