«Ամենակարևորը չի ասել»․ Լիզա Ճաղարյան

Լրագրող Լիզա Ճաղարյանի ֆեյսբուքյան գրառումը. «Մի տեղ կարդացի, որ այսօր ԱԺ-ում գլխավոր դատախազն ասել է, որ 44-օրյա պատերազմում պարտության «թիվ մեկ» պատճառներից մեկն այն է, որ «բարձրաստիճան պաշտոնյաների կանայք առևտուր են կատարել որոշակի քաղաքներում»։
Էսքանն է ասել ոնց որ թե։
Ամենակարևորը չի ասել՝ ո՛ր բարձրաստիճան պաշտոնյաների կանայք են առևտուր անելով կործանել Արցախն ու Հայաստանը, և թե որտե՛ղ են հիմա այդ բարձրաստիճան պաշտոնյաները։
Ես, իհարկե, կարող եմ նմանօրինակ լիքը «թիվ մեկ» պատճառներ հիշեցնել հարգելի տիկին դատախազին, ու հենց բարձրաստիճան պաշտոնյաների մասին, ոչ թե՝ իրենց կանանց. օրինակ՝ ինչպես էին արտերկրյա զանազան ռեստորաններում «տժժում», բայց... հիշեցնեմ, որ ի՞նչ լինի։
Ասըմ-խոսըմ են էլի»։