Բայդենը ողջունում է Հայաստանի և Ադրբեջանի՝ խաղաղությանն ուղղված քայլերը

7789

Շաբաթ, 25 մայիսի, 2024 թ., 21:48

Միացյալ Նահանգները ողջունում է կայուն խաղաղության ուղղությամբ Ադրբեջանի և Հայաստանի քայլերը և պատրաստ է աջակցել դրանց: Այդ մասին հայտարարել է ԱՄՆ-ի նախագահ Ջո Բայդենն Ադրբեջանի Անկախության օրվա առթիվ այդ երկրի նախագահին հղած շնորհավորական ուղերձում:

«Մենք ողջունում ենք կայուն և արժանապատիվ խաղաղություն ապահովելու ուղղությամբ Ադրբեջանի և Հայաստանի ձեռնարկած քայլերը և պատրաստ ենք աջակցելու այդ ջանքերին»,- Ադրբեջանի նախագահի պաշտոնական կայքի փոխանցմամբ՝ ասված է ուղերձում:

Ջո Բայդենն Իլհամ Ալիևին գրել է նաև, որ Վաշինգթոնը ցանկանում է զարգացնել գործընկերությունը Ադրբեջանի ժողովրդի հետ ու ամրապնդել կապերը:

Ադրբեջանն Անկախության օրը նշում է մայիսի 28-ին: