«Կարևոր է, որ առաջիկա գործընթացները կարողանանք հասցնել իրենց տրամաբանական եզրահանգմանը». Բագրատ Սրբազան

Բաղրամյան պողոտայում, լրագրողների հետ զրույցում, Բագրատ Սրբազանը կրկնեց, որ շարժումն իշխանափոխությունից ավելին է. «Շարժումը արժեքի, քաղաքակրթական մտքի, ապրումների փոփոխություն է: Էդ հիմքը չունեցար, մնացածը դատարկ է: Սրանք, որ եկել են իշխանության, ի՞նչ հիմքով են եկել, արժեքային ոչ հիմք չունեն, դրա համար ենք էս վիճակում գտնվում»: Խոսելով վաղվա մասին՝ հիշեցրեց. «Ժամը երեքին բոլորին հրավիրում եմ ներկա գտնվել այստեղ: Կարևոր է, որպեսզի առաջիկա գործընթացները կարողանանք հասցնել իրենց տրամաբանական եզրահանգմանը»: