«Երեք օր ջուրը կտրելը կանոնների խախտում է»․ Գ․ Բաղրամյան

Հանրային ծառայությունները կարգավորող հանձնաժողովի նախագահ Գարեգին Բաղրամյանն այսօր լրագրողների հետ զրույցում անդրադարձավ ջրի և հոսանքի պարբերաբար անջատումներին։ «Այդ ամենը կանոնակարգված է։ Ջրի, հոսանքի և գազի անջատում առանց զգուշացման պետք է լինի միայն, եթե վթարային խնդիր է։ Այսինքն՝ հնարավոր չէր կանխատեսել և զգուշացնել, ինչպես պլանային անջատումների ժամանակ են զգուշացնում»,-ասաց նա։

Հարցին՝ վերջին անգամ ե՞րբ են այդ ընկերությունները կանոնների խախտման համար տուգանվել՝ Բաղրամյանը պատասխանեց․ «Տուգանքները վճարում են սպառողներին և դա լինում է պարբերաբար։ Տուգանվում են միայն այն դեպքում, երբ մեր մոնիթորինգի արդյունքում տեսնում ենք, որ ընկերությունը խախտել է ժամանակացույցը։ Օրինակ՝ քաղաքային պայմաններում էլեկտրաէներգիայի անջատումը պետք է 4 ժամից ավելի չլինի, իսկ եթե լինում է, ապա տուգանվում է և տուգանքը ստանում է տուժող սպառողը»,-ասաց նա։
Լրագրողի դիտարկմանը, թե մարդիկ ահազանգում են, որ երեք օր է ընդհանրապես ջուր չունեն, Բաղրամյանը պատասխանեց, որ երեք օր ջուրը կտրելը կանոնների խախտում է, պետք է ստուգել, հասկանալ։