«Տնտեսվարողները տուգանվել են, ապրանքը՝ առգրավվել»․ քաղաքապետարան

Բացօթյա ապօրինի առևտուրը Երևանում վերացնելու համար՝ քաղաքապետարանի հերթական ստուգայցը եղել է Մալաթիա-Սեբաստիա վարչական շրջանում։
«Տնտեսվարողներն ապրանքը ցուցադրելու համար հաճախ այն դնում են խանութի դիմաց՝ անանցանելի դարձնելով մայթերը»,-հայտնում են քաղաքապետարանից՝ նշելով, որ բազմաթիվ զգուշացումներից հետո տնտեսվարողները տուգանվել են, ապրանքը՝ առգրավվել:
«Ցանկալի չէ գետնից գնել, հակահիգիենիկ է»,-ասում են անցորդները։
«Բոլորը դնում են, մենք էլ ենք դնում, մարդ կա հարկ չի մուծում՝ փողոցում առևտուր է անում, ես իմ խանութի դիմացն եմ ընդամենը մի շարք դրել»,-ասաց տնտեսվարողներից մեկը։