«Մի քանի հարյուր հազար եվրոյի ծրագիրն ի՞նչ եղավ»․ Քրիստինա Վարդանյան

Երևանի ավագանու անդամ Քրիստինա Վարդանյանի ֆեյսբուքյան գրառումը․ «Որպես Երևանի շրջակա միջավայրի պահպանությամբ զբաղվող կառույց, շատ հմուտ մոտեցում էր. ստեղծել 2,5 հա տարածքում ճյուղերի կուտակում, մանավանդ, որ միտք էլ չունես այդ թափոնը վերամշակես, ուղղակի պարբերաբար այրում ես, խախտելով օրենքը։ Եվրամիության հետ մի քանի հարյուր հազար եվրոյի ծրագիրն ի՞նչ եղավ, թափոնների հետ կապված։ Սրբուհի Ղազարյան հիշու՞մ ես, որ 2021-ին դիմեցի քեզ, դեռ վարչապետի խորհրդականն էիր, որ ճյուղերի աղացներով՝ դրամաշնորհային ծրագրի շրջանակում, քաղաքն ապահովեինք։ Հետաքրքիր է, որ կես միլիոն դոլարի տնկանյութ գնելու գումար կա, իսկ երկու աղացի համար՝ ոչ։ Կրակի ծավալից էլ չհասկացա, տնկարա՞ն էր, թե ռազմաբազա, որ սելաֆի տակ այդ ձևով բոցավառվեց»։