«Առաջին անգամ նման երկարության թունել կկառուցվի»․ փոխվարչապետ

«Առաջին անգամ նման երկարության թունել կկառուցվի»,-այսօր կառավարության նիստի ժամանակ ասաց փոխվարչապետ Տիգրան Խաչատրյանը՝ անդրադառնալով Քաջարանի թունելի շինարարությանը։ կառավարությունն այսօր հավանություն տվեց ՀՀ-ի և Եվրասիական զարգացման բանկի միջև վարկային համաձայնագրի կնքմանը, որի համաձայն 200 մլն ԱՄՆ դոլար վարկ կտրամադրվի՝ «Քաջարանի թունելի շինարարություն» ծրագրի ֆինանսավորման համար։ Ծրագիրը նպատակ ունի «Հյուսիս-Հարավ» ավտոճանապարհային միջանցքի հատվածում բարձրացնել տարանցիկ փոխադրումների ներուժը։

7 կմ երկարությամբ թունելը նախատեսված է կառուցել 6 տարվա ընթացքում։

«Հաջորդ նմանատիպ բարդ կառույցը, որ մեր օրակարգում է՝ Սիսիան-Քաջարան Հյուսիս-հարավ ճանապարհահատվածի մոտ 9 կմ երկարությամբ թունելն է, որի կառուցման աշխատանքները նույնպես մեկնարկել են»,-ասաց Տիգրան Խաչատրյան։