Կիրակի, 08 սեպտեմբերի, 2024 թ.
|
Ստեփանակերտում`   +14 °C

«Ուկրաինան շանտաժի է ենթարկում 2 երկրների»․ Հունգարիայի վարչապետի գրասենյակ

«Ուկրաինան շանտաժի է ենթարկում 2 երկրների»․ Հունգարիայի վարչապետի գրասենյակ
2719
Ուրբաթ, 26 հուլիսի, 2024 թ., 15:00

Ռուսաստանից Ուկրաինայի տարածքով նավթի տարանցումը պետք է վերսկսվի սեպտեմբերին, այլապես՝ Հունգարիան կբախվի վառելիքի պակասի, հայտարարել է Հունգարիայի վարչապետի գրասենյակի ղեկավար Գերգեյ Գույաշը:

Անցած շաբաթ Ուկրաինան դադարեցրել էր «Լուկօյլ» նավթի տեղափոխումը Հունգարիա և Սլովակիա, քանի որ ռուսական ընկերությունը ներառվել էր ուկրաինական պատժամիջոցների ցանկում։

«Ուկրաինան շանտաժի է ենթարկում 2 երկրների՝ Հունգարիային և Սլովակիային, որոնք հետևողականորեն կողմ են կրակի դադարեցմանն ու խաղաղ բանակցություններին»,- ասել է նա հունգարական Index-ին տված հարցազրույցում։

Բացի այդ, ԵՄ հարցերով նախարար Յանոշ Բոկան հայտնել է, որ Ուկրաինան խախտել է ԵՄ-ի հետ Ասոցացման համաձայնագիրը։ Նա նշել է, որ եթե Եվրոհանձնաժողովի կողմից միջադեպի քննությունը արդյունքի չհանգեցնի, ապա հունգարական կողմը կդիմի արբիտրաժային դատարան:

Նրա խոսքով՝ այժմ քննություն է տարվում նաև Ուկրաինայի կողմից ԵՄ Էներգետիկ խարտիայի խախտման վերաբերյալ:

Կարդացե՛ք նաև