«Ասում են՝ ինչ ուզում եք, արեք, բայց հետո կարող է գանք, բռնենք». Մեսրոպ Առաքելյան

«Գործող իշխանությունը պետք է փորձի այնպիսի մեխանիզմներ ներդնել, որը հնարավորություն կտա նվազեցնել կոռուպցիան, այնինչ՝ տասնամյակներով փտած, կոռումպացված համակարգի պտուղներն է վայելում: Ասում են՝ դուք ինչ ուզում եք, արեք, բայց հետո կարող է գանք, ձեզ բռնենք: Բազմաթիվ հատվածներում կոռուպցիան ոչ միայն շարունակվում է, այլ նաև լայն թափ է առել»,- ասում է «Ապրելու երկիր» կուսակցության համահիմնադիր Մեսրոպ Առաքելյանը՝ 24TV-ի եթերում խոսելով կոռուպցիայի մասին ու բերելով կոնկրետ օրինակ. «Մարդիկ նայում են, ասում են՝ Տեղ համայնքի ղեկավարը իր եղբորից 400 մլն ապրանք է առել, 300 հազար տուգանել են, մենք ինչի՞ չանենք: Այսինքն՝ եթե այս համայնքի ղեկավարը պաշտոնանկ չարվի, չկալանավորվի, մնացած համայնքի ղեկավարներն էլ կարող են ասել՝ դե եկեք մենք էլ անենք: Սա կդառնա արդեն համատարած երևույթ: Այստեղ Կոռուպցիայի դրսևորման մյուս կարևոր մասը հովանավորչությունն է, մարդը իր եղբոր ընտանիքից, պետբյուջեից գնում է կատարել, որտեղից ձևավորվել է ահռելի շահույթ»:
Զրույցի մանրամասները՝ տեսանյութում: