Շաբաթ, 15 օգոստոսի, 2026 թ.
|
Ստեփանակերտում`   +21 °C

«Ատոմակայանի ժամկետի ավարտից հետո պետք է նոր էներգաբլոկ ունենանք»․ Գնել Սանոսյան

«Ատոմակայանի ժամկետի ավարտից հետո պետք է նոր էներգաբլոկ ունենանք»․ Գնել Սանոսյան
782
Հինգշաբթի, 01 օգոստոսի, 2024 թ., 11:54

Կառավարության այսօրվա նիստում որոշում ընդունվեց

ՀՀ–ում նոր ատոմային էներգաբլոկի կառուցման ծրագրի կառավարման նպատակով ստեղծել առանձին ընկերություն։

Ընկերությունը կհամապատասխանի ՄԱԳԱՏԷ-ի չափանիշներին, դրանց համաձայն էլ կանցկացվի կադրերի ընտրությունը։ «Համաձայն էներգետիկ ոլորտի ռազմավարության, մինչև 2040 թվականը գործող ատոմակայանի հարթակում, հարակից տարածքում, ատոմակայանի ժամկետի ավարտից հետո պետք է նոր, առնվազն նույն հզորության էներգաբլոկ ունենանք»,-ասաց ՀՀ ՏԿԵ նախարար Գնել Սանոսյանը։
Ավելի վաղ «Սպուտնիկ Արմենիա»-ն հայտնել էր, որ ամերիկյան ընկերությունը Հայաստանում տեխնիկատնտեսական հետազոտություն է իրականացնում փոքր մոդուլային ատոմակայանի կառուցման նպատակահարմարության վերաբերյալ։ Տեղեկությունը հայտնել է ՀՀ տարածքային կառավարման և ենթակառուցվածքների նախարարությունը՝ պատասխանելով լրատվականի գրավոր հարցմանը։

Գերատեսչությունը չի նշել ամերիկյան ընկերության անվանումը։

«Ամերիկյան հեղինակավոր ընկերություններից մեկը ԱՄՆ կառավարության պատվերով հայկական կողմի հետ համատեղ իրականացնում է տեխնիկատնտեսական հետազոտություն ամերիկյան արտադրողների կողմից առաջարկվող փոքր մոդուլային տեխնոլոգիաների վերաբերյալ։ Հետազոտության նպատակն է բացահայտել, թե որ արտադրողի տեխնոլոգիան է առավելապես հարմար Հայաստանի կարիքների բավարարմանը, և թե Հայաստանի պարագայում ինչ տեխնոլոգիա և ինչ հզորության կայանն առավել արդյունավետ և տնտեսապես շահավետ կլինի»,- ասված է նախարարության պատասխանում։

Նշվում է նաև, որ հետազոտությունը նախատեսվում է ավարտել ամենաուշը 2025 թվականի գարնանը։

«Ատոմակայանի ժամկետի ավարտից հետո պետք է նոր էներգաբլոկ ունենանք»․ Գնել Սանոսյան

Կարդացե՛ք նաև