«ՀՀ պետական պարտքն այս պահին գերազանցում է 12 միլիարդ դոլարը»․ Նորիկ Նորիկյան

807

Երեքշաբթի, 06 օգոստոսի, 2024 թ., 15:42

«Արդար Հայաստան» կուսակցության նախագահ Նորիկ Նորիկյանի ֆեյսբուքյան գրառումը․ «Վեց տարի շարունակ չեն կարողանում կողմնորոշվել՝ վերջիվերջո, Ամուլսարը, շահագործվելո՞ւ է, թե՞ ոչ, նրա շահագործումը ձեռնտո՞ւ է, թե՞ վնասակար, փոխարենը «Հրաշալի» կերպով լուծվում են ավելի բարդ խնդիրներ, ինչպիսիք են խաղաղության հարցը, Ադրբեջանի հետ սահմանազատման ու սահմանագծման հարցը։
Բացի այդ, անշեղորեն կարգավորվում է Թուրքիայի հետ ունեցած հարաբերությունները, կարծեք թե տնտեսությունն աճում է շոշափելի տեմպերով, լուծվում է ժողովրդագրության խնդիրը, մարդիկ այլևս ընտանքիների հետ չեն արտագաղթում, Հայաստանն աստիճանաբար ինտեգրվում է Արևմուտքին, իսկ Ռուսաստանից տնտեսության կախվածության մեծացումը պարզապես ձևական բնույթ է կրում, և այսպես շարունակ․․․
Իսկ իրականությունն այն է, որ ՀՀ պետական պարտքն այս պահին գերազանցում է 12 միլիարդ ԱՄՆ դոլարը։
2018թ․ ՀՀ պետական պարտքը կազմում էր 6․7 միլիարդ ԱՄՆ դոլար։
Անցած վեց տարիների ընթացքում պետական պարտքն ավելացել է 5․5 միլիարդ ԱՄՆ դոլարով։ Արդա՞ր է․․․»։

Աղբյուրը` Նորիկ Նորիկյան