«Մեր դժբախտությունն այն է, որ մեր ճակատագիրը տնօրինում են ուրիշները»․ Հրանտ Մելիք-Շահնազարյան

«Դժվար է աննկատ մնալ, երբ նման քաղաքականություն ես վարում․ ամբողջ աշխարհն ինչ-որ խնդիրներով է զբաղված, իսկ դու ասում ես՝ կեցցե հեծանիվը, առնվազն՝ որպես գիժ կնկատեն քեզ։ Ամբողջ խնդիրն այն է, որ այս իշխանությունները չեն սպասարկում մեր պետության շահերը»,- 24TV-ի եթերում ասել է քաղաքագետ Հրանտ Մելիք-Շահնազարյանը՝ խոսելով միջազգային իրադարձությունների ֆոնին Փաշինյանի գործողությունների մասին։ «Նրանք մեր բոլոր խաղաքարտերը հանձնել են թուրք-ադրբեջանական դաշինքին, որոնք էլ որոշում են, թե ինչ դեր և նշանակություն պիտի ունենա Հայաստանը տարածաշրջանում։ Շոյգուն գնում է Իրան, այնտեղից էլ Բաքու՝ ինչ-որ բանակցությունների, իսկ Հայաստանի ուղղությամբ ոչ մեկը չի նայում։ Բոլորը հասկանում են, որ սուբյեկտայնություն չկա Հայաստանում, առավել ևս՝ ազդեցություն տարածաշրջանային գործունեության վրա։ Մեր դժբախտությունն այն է, որ մեր ճակատագիրը տնօրինում են ուրիշները, իսկ նրանք, ովքեր կոչված էին դա անելու՝ «կեցցե հեծանիվ» անելով են զբաղված»,- նշել է նա: