«Գնամ, ասեմ՝ կտրե՞ն», «ես դասագրքային ճշմարտություն ասացի». Նիկոլ Փաշինյանի ու Սասուն Խաչատրյանի հարցուպատասխանը

Հակակոռուպցիոն կոմիտեի նախագահ Սասուն Խաչատրյանը, արձագանքելով վարչապետի բարձրացրած՝ «գետի հունի մեջ աճած անտառի ու այն կտրելու՝ բարդ ընթացակարգերի մասին» հարցին, ասաց. «Քրեական իրավունքում էսպիսի ինստիտուտ գոյություն ունի, կոչվում է՝ ծայրահեղ անհրաժեշտություն: Այսինքն, եթե այսօր խնդիր ունենք ծառերը կտրելու, որպեսզի կարողանանք կանխել աղետ, ապա այն կտրելը հանցագործություն չի համարվում»: Նիկոլ Փաշինյանը կատակեց. «Հիմա գնամ, ասեմ՝ կտրե՞ն: Հետո գործը գալու է ձեզ մոտ»: Խաչատրյանի արձագանքը լուրջ էր. «Պարո՛ն վարչապետ, ես դասագրքային ճշմարտություն ասացի»: