Գազայում հայտնել են 2 օրվա ընթացքում 70 զոհի մասին

1075

Շաբաթ, 17 օգոստոսի, 2024 թ., 16:18

Գազայի հատվածում վերջին 48 ժամվա ընթացքում իսրայելական հարվածների հետևանքով զոհվել է մոտ 70 մարդ, վիրավորվել՝ 136-ը, այս մասին հայտնել է տեղի առողջապահության նախարարությունը, փոխանցում է РИА Новости-ն։

Նախօրեին Գազայի հատվածում հրադադարի շուրջ բանակցություններ են տեղի ունեցել Կատարի, Եգիպտոսի, ԱՄՆ-ի և Իսրայելի մասնակցությամբ։ ՀԱՄԱՍ շարժման ղեկավարությունը հրաժարվել է մասնակցել բանակցություններին՝ հրադադարի պայմանների վերաբերյալ հստակության բացակայության պատճառով։