«ՀՀ ղեկավարությանն ասել են՝ հանգիստ մնացեք, ձեր գործը չի»․ Լարիսա Ալավերդյան

«Պատահական չէ, որ Հայաստանի ղեկավարությունը, կարծես թե, գործ չունի անելու։ Նրանց ասել են՝ դուք հանգիստ մնացեք, ձեր գործը չի, մենք գիտենք՝ ինչ պետք է տեղի ունենա»,-«Հայելի» ակումբում ասաց ՀՀ մարդու իրավունքների նախկին պաշտպան Լարիսա Ալավերդյանը։ «Դա ցավալի փաստ է։ Փաստորեն, Հայաստանը, որպես միավոր, բացակայում է օրվա տարածաշրջանում տեղի ունեցող իրադարձություններից։ Պարզապես չկա Հայաստանի ազգային շահերի գործոն՝ ազգային շահերը ներկայացնող սուբյեկտ։ Այն, որ Ադբեջանը ավելացնում է իր գինը՝ որպես տարածաշրջանային սուբյեկտ, միաժամանակ զրոյացնում է Հայաստանի դերակատարությունը տարածաշրջանում»,-հավելել է Ալավերդյանը։