Երևանում տեղադրվել է սիրված դերասան Երվանդ Մանարյանի արձանը

Սիրված դերասան Երվանդ Մանարյանի՝ 2.8 մետր բարձրությամբ արձանը տեղադրվել է Երևանի Սայաթ-Նովա պողոտա 4 հասցեին հարող տարածքում՝ Հովհաննես Թումանյանի անվան ազգային տիկնիկային թատրոնի դիմաց: Արձանը կանգնեցվել է մեծանուն դերասանի ծննդյան 100-ամյա հոբելյանի առիթով։

Բրոնզաձույլ արձանի հեղինակը Հայաստանի նկարիչների միության անդամ, քանդակագործ Արմենակ Վարդանյանն է, ճարտարապետը՝ Միքայել Միսակյանը։