«Իր առջև տեսարանների կարոտ հասարակություն տեսնելով՝ սկսեց «ջղայն Նիկոլ» օպերացիան». Էդուարդ Շարմազանով

«Փաշինյանը, տեսնելով, որ ձախողվում է և, տեսնելով, որ իր առջև ունի տեսարանների կարոտ հասարակություն, գնաց տեսարանների և սկսեց ներքաղաքական «ջղայն Նիկոլ» օպերացիան»,-ասուլիսի ժամանակ ասաց ՀՀԿ Գործադիր մարմնի անդամ Էդուարդ Շարմազանովը՝ ընդգծելով, որ Փաշինյանը հեղափոխությունը տարավ նոր՝ Յակոբինյան փուլով, որի նպատակը շատ հստակ է: «Փաշինյանը և իր ամբողջ թիմը ձախողել է խաղաղության պայմանագիր խոստացած օպերացիայում և, որպեսզի կարողանա հնարավորինս քիչ վնասներ կրել ինքը, իր իմիջը, իր իշխանությունը, նախաձեռնեց՝ միգուցե իր արտաքին գործընկերների հուշմամբ, 6 պաշտոնյանների հեռացման օպերացիան»: Շարմազանովը նշեց, որ Նիկոլ Փաշինյանի վարչապետության պարագայում կապ չունի, թե ով որտեղ է աշխատում: «Մեր երկրում բոլորս էլ գիտենք՝ Նիկոլ Փաշինյանը «сам дежурный, сам дневальный»: Հետևաբար իր էս ներքաղաքական պաշտոնազրկումները ունեցել են հստակ քարոզչական նպատակ՝ քողարկել իր ձախողումը խաղաղության պայմանագրի հետ կապված»,-հավելեց Շարմազանովը: