ՆԱՏՕ-ն և ԱՄՆ-ն կշարունակեն աջակցել Կիևին

«Ռուսաստանի կողմից միջին հեռահարության բալիստիկ հրթիռի կիրառումը չի փոխի հակամարտության ընթացքը և չի խանգարի ՆԱՏՕ-ի դաշնակիցներին աջակցել Ուկրաինային», - DW-ի փոխանցմամբ ասել է ՆԱՏՕ-ի ներկայացուցիչը:

Նոյեմբերի 21-ին կայացած ճեպազրույցում նման հայտարարություն է արել նաև Սպիտակ տան մամուլի քարտուղար Կարին Ժան Պիերը։ Մեկնաբանելով Ուկրաինայի վրա Ռուսաստանի միջին հեռահարության բալիստիկ հրթիռի արձակումը, նա նշել է, որ Միացյալ Նահանգները շարունակում է Ուկրաինային մատակարարել հարյուրավոր լրացուցիչ Patriot և AMRAAM հրթիռներ՝ նրա հակաօդային պաշտպանությունն ուժեղացնելու համար։ «Եվ մենք կշարունակենք դա անել, որպեսզի նրանք (ուկրաինացիները-Խմբ.) ուժեղացնեն իրենց հնարավորությունները, ներառյալ հակաօդային պաշտպանությունը, և հնարավորություն տան Ուկրաինային առավելագույն հնարավոր դիրք գրավել մարտի դաշտում»,-ասել է Կարին Ժան Պիերը։