Կիրակի, 20 սեպտեմբերի, 2026 թ.
|
Ստեփանակերտում`   +21 °C

«Արևմուտքը կրկին սկսել է աջակցել Վրաստանի իշխանություններին»․ Վահե Սարգսյան

«Արևմուտքը կրկին սկսել է աջակցել Վրաստանի իշխանություններին»․ Վահե Սարգսյան
181
Չորեքշաբթի, 11 դեկտեմբերի, 2024 թ., 16:30

Պատմաբան Վահե Սարգսյանի ֆեյսբուքյան գրառումը. «Ապրիլից («Օտարերկրյա ազդեցության թափանցիկության մասին» աղմկահարույց օրենքի վերաշրջանառումից) մինչ օրս Վրաստանի իշխանությունների դեմ կարկուտի նման սպառնալիքներ տեղացած, ԵՄ անդամակցության գործընթացը հունիսի 27-ից կասեցրած Արևուտքը սկսեց աջակցել Վրաստանի իշխանություններին:
Քիչ առաջ «Վրացական երազանք» իշխող կուսակցությունը պաշտոնական հաղորդագրություն տարածեց, ըստ որի՝ Ֆրանսիայի նախագահի նախաձեռնությամբ հեռախոսազրույց է կայացել «Վրացական երազանքի» պատվավոր նախագահ Բիձինա Իվանիշվիլիի և Էմանուել Մակրոնի միջև։
Մակրոնը նշել է, որ ցավում է Վրաստանում տիրող իրավիճակի համար և ցանկություն է հայտնել իր ներդրումն ունենալ այս իրավիճակի լիակատար մեղմացման գործում։ Բիձինա Իվանիշվիլին իր հերթին շնորհակալություն է հայտնել Ֆրանսիայի նախագահին նախաձեռնության համար և ողջունել համատեղ ջանքերի գաղափարը։
Իվանիշվիլին և Մակրոնը պայմանավորվել են, որ առաջիկա օրերին կրկին կապի մեջ կլինեն, և ձեռք բերված առաջընթացը կգնահատվի։ Զրույցը տևել է մեկ ժամ։
Շուրջ 9 ամիս բառիս բուն իմաստով Վրաստանի իշխանությունները կզացրին Արևմուտքին.
- արժանապատվորեն պատասխանեցին ԲՈԼՈՐ սպառնալիքներին ու շանտաժներին,
-խփեցին Արևմուտքի բաց նյարդին՝ ընդունելով թե՛ վերնշյալ, թե՛ ԼԳԲՏԻՔ անձանց քարոզչությունն արգելող օրենքները,
- Արևմուտքի կողմից երկիրը կազմաքանդող ՀԿ-ՈԿԿ-ներին, ուժերին ու անհատներին կոչեցին ճիշտ իրենց անունով,
- երկիրը չդարձրին Արևմուտքի ձեռքին մանրադրամ ընդդեմ ՌԴ-ի ու Չինաստանի,
- չվախեցան և ՉՀԱՆՁՆԵՑԻՆ ԵՐԿԻՐԸ խամաճիկների ձեռքը:
Ու հիմա Արևմուտքը կրկին սկսել է հաշվի նստել ու աջակցել Վրաստանի իշխանություններին:
Էդպես է կյանքը՝ հաղթողին ոչ միայն չեն դատում, այլև հարգում են ու հետը հաշվի նստում:
Մակրոնը վկա»:

Աղբյուրը`   Վահե Սարգսյան

Կարդացե՛ք նաև