«Ուկրաինան Արևմուտքին պետք էր որպես գործիք»․ Զախարովա

Ուկրաինան կարող էր առաջատար դառնալ մի շարք ոլորտներում, եթե Արևմուտքը գումարներն ուղղեր ոչ թե «սպանդի», այլ այդ երկրի զարգացման համար։ Այս մասին Спутник-ի եթերում ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Ահա և պատասխանը Ուկրաինայի քաղաքացիներին, թե ինչ էին ուզում անել նրանց հետ։ Նրանց ուզում էին օգտագործել միայն որպես գործիք։ Եթե ցանկանային ստեղծել ժողովրդավարական, բարգավաճ, առաջադեմ պետություն, ապա այդ գումարները կծախսվեին Ուկրաինայի զարգացման վրա։ Տեղի ունեցավ ճիշտ հակառակը. մտահղացումն այլ էր»,- ասել է նա: