Իսրայելը Գազայի վերաբերյալ նոր պայմաններ է առաջ քաշել․ ՀԱՄԱՍ

Իսրայելը նոր պայմաններ է առաջադրել՝ կապված Գազայի հատվածից իսրայելական զորքերի դուրսբերման, հրադադարի, գերիների և կալանավորների փոխանակման, տեղահանվածների վերադարձի հետ, հայտնում է պաղեստինյան ՀԱՄԱՍ շարժումը։

Հայտարարության մեջ ՀԱՄԱՍ-ը նշել է, որ Կատարի և Եգիպտոսի միջնորդությամբ Դոհայում բանակցություններ են ընթանում Գազայում հրադադարի և գերիների փոխանակման շուրջ։
«Շարժումը դրսևորեց պատասխանատվություն և ճկունություն, սակայն օկուպացիան բարձրացրեց նոր հարցեր և առաջ քաշեց նոր պահանջներ՝ կապված հրադադարի, գերիների փոխանակման և տեղահանվածների վերադարձի հետ, ինչը ձգձգեց համաձայնագրի ձեռքբերումը, որը հասանելի էր»,- ասվում է շարժման հայտարարության մեջ։