Լավրովը նշել է Ասադի վարչակարգի տապալման պատճառը

Սիրիայում իրավիճակի վատթարացման պատճառն, ի դեմս նախկին նախագահ Բաշար ալ-Ասադի, նախկին կառավարության անկարողությունն էր՝ հաղթահարելու երկրում ստեղծված սոցիալական խնդիրները։ Այս մասին ասել է Սերգեյ Լավրովը՝ ТАСС-ին տված հարցազրույցում։

Նախարարի խոսքով՝ Ասադի ռեժիմի տապալման մեջ մեղավոր է նաև ԱՄՆ-ն, որը «գրավել է Սիրիայի՝ ռեսուրսներով հարուստ հյուսիս-արևելյան շրջանը» և ճնշում գործադրել Դամասկոսի վրա։
Միաժամանակ Ռուսաստանը, Լավրովի խոսքով, օգնել է Սիրիային, մասնավորապես, հումանիտար աջակցությամբ, ենթակառուցվածքների վերականգնմամբ և փախստականների վերադարձի համար բազա ստեղծելով։