Երեքշաբթի, 16 սեպտեմբերի, 2025 թ.
|
Ստեփանակերտում`   +13 °C

«Հուսով եմ՝ Վրաստանի իշխանությունները Ռուսաստանի հետ առճակատման չեն գնա». Լավրով

«Հուսով եմ՝ Վրաստանի իշխանությունները Ռուսաստանի հետ առճակատման չեն գնա». Լավրով
578
Երկուշաբթի, 30 դեկտեմբերի, 2024 թ., 12:36

ՌԴ ԱԳ նախարար Սերգեյ Լավրովը վստահություն է հայտնել, որ Վրաստանի իշխանություններն առճակատման չեն գնա Ռուսաստանի հետ։

«ԱՄՆ-ն և Եվրոմիությունը փորձում են Թբիլիսիին կանգնեցնել բարդ երկընտրանքի առաջ՝ մեզ հե՞տ, թե՞ մեր դեմ: Մինչդեռ վրացական իշխանությունները, կարծես թե, ցանկանում են վարել ազգային շահերից բխող ինքնիշխան քաղաքականություն, այլ ոչ թե խաղազինվոր դառնալ Արևմուտքի ձեռքում, որը Վրաստանին մղում է ապակայունացման, տնտեսական խնդիրների, Ռուսաստանի հետ հարաբերությունների սրման։ Ես կասկած չունեմ, որ վրաց ժողովուրդն ամեն ինչ հասկանում է և առաջ կգնա»,- Լավրովի խոսքը մեջբերում է ТАСС գործակալությունը։

Ավելի վաղ Լավրովը հայտարարել էր Վրաստանի իշխանությունների հետ երկխոսության հարցում Մոսկվայի պատրաստակամության մասին։