«Պատրաստ ենք ԵՄ-ին անդամակցելու շուրջ բանակցություններ վարել»․ Կավելաշվիլի

Վրաստանի նոր նախագահ Միխայիլ Կավելաշվիլին իր առաջին ելույթում խոսել է ԵՄ-ի մասին, գրում է Взгляд-ը։
«Մենք ձգտում ենք 2030 թվականին դառնալ Եվրոմիության լիիրավ անդամ, քանի որ դա մեր ժողովրդի քաղաքակիրթ ընտրությունն է, որն ամրագրված է մեր Սահմանադրությամբ»,- Վրաստանի նախագահի խոսքերն է մեջբերում լրատվամիջոցը։

Կավելաշվիլիի խոսքով՝ մինչև 2028թ․ Վրաստանը կկատարի Եվրոմիության հետ 2014թ․ կնքված Ասոցացման համաձայնագրի պայմանների ավելի քան 90 տոկոսը: Նշվում է, որ նախագահը նաև հաստատել է Թբիլիսիի պատրաստակամությունը ԵՄ-ին անդամակցելու շուրջ Բրյուսելի հետ բանակցություններ վարելու հարցում, եթե ԵՄ-ի կողմից առաջարկ լինի: