«Ձեզ այլևս չե՞ն վստահում կրթելու գործում». լրագրողը՝ Ժաննա Անդրեասյանին

«Աննա Հակոբյանը հանրությանը կրթելու գործընթացը վերցրել է իր ձեռքը՝ «Կրթելը նորաձև է» խորագրով. արդյոք ձեզ այլևս չեն վստահում կրթելու գործում»,- ասուլիսի ժամանակ հարց ուղղվեց ԿԳՄՍ նախարար Ժաննա Անդրեասյանին, ինչին նախարարը պատասխանեց. «Իմ հանդեպ վստահության կամ անվստահության հարցը դրսևորվում է իմ՝ դեռևս պաշտոնավարմամբ կամ չպաշտոնավարմամբ: Ինչ վերաբերում է կրթության քարոզին, կարծում եմ, որ մենք պետք է խրախուսենք և ողջունենք նման ցանկացած նախաձեռնություն»: Նախարարի խոսքով՝ որքան շատ լինեն միջավայրերը, որտեղ կարող են մարդիկ խոսել կրթության մասին, ինքնաքննադատաբար նայել իրենց գիտելիքի պակասին, հասկանալ, թե որ ուղղություններով ունեն հմտությունների լրացման կարիք, այնքան ավելի մեր հանրության զարգացման համար բարենպաստ միջավայր կունենանք: