«Հայաստանի ԱԱԾ-ն չունի՞ Հեյդար Ալիևի ելույթի տեսգրությունը». Վահրամ Աթանեսյան

Քաղաքական վերլուծաբան Վահրամ Աթանեսյանի ֆեյսբուքյան գրառումը․ «Հայաստանի ԱԱԾ-ն չունի՞ Ադրբեջանի Գերագույն խորհրդում Նախիջևանից պատգամավոր ընտրված Հեյդար Ալիևի ելույթի տեսգրությունը, որտեղ նա հպարտությամբ հայտարարում է, որ կոմունիստական իշխանության տարիներին ինքը Լեռնային Ղարաբաղում ադրբեջանական բնակչության թվաքականը 14 տոկոսից հասցրել է 25-ի, իսկ Շուշի քաղաքում՝ 4,5-ից 12 հազարի: Մի «բլոգեր» Հայաստանի դեմ տեղեկատվա-քարոզչական ֆուրոր է անում, մի ամբողջ գերատեսչություն չի՞ կարող իրեղեն վկայությամբ ապացուցել, թե որն է ֆաշիզմը, և իրական ֆաշիստն ով է»: