ԵՄ 10 երկրներ կոչ են անում խստացնել ՌԴ-ի դեմ պատժամիջոցները․ #Bloomberg

3127

Երեքշաբթի, 14 հունվարի, 2025 թ., 10:37

Եվրոմիության 10 երկրների խումբը կոչ է անում խստացնել Ռուսաստանի դեմ պատժամիջոցները՝ բնական գազի հավելյալ սահմանափակումներ մտցնելով, գրում է Bloomberg-ը՝ հղում կատարելով փաստաթղթին։

Գործակալության տվյալներով՝ նման ցանկություն են հայտնել Շվեդիան, Իռլանդիան, Լեհաստանը և այլ երկրներ։ Վերջինները ցանկանում են արգելել ինչպես սովորական, այնպես էլ հեղուկ բնական գազի ներմուծումը միություն՝ ՌԴ եկամուտները սահմանափակելու համար:

Պատժիչ միջոցներ սահմանելու համար անհրաժեշտ է ԵՄ 27 անդամ երկրների միաձայն որոշումը, ինչը բարդ է, քանի որ Հունգարիայի վարչապետ Վիկտոր Օրբանը թերահավատորեն է վերաբերվում նման քայլերին, նշում է գործակալությունը: