Հարավկորեական Jeju Air ինքնաթիռի շարժիչներում թռչնի փետուրներ են հայտնաբերվել․ MBN

Դեկտեմբերի 29-ին Մուան օդանավակայանում վթարի ենթարկված հարավկորեական Jeju Air ավիաընկերության ինքնաթիռի շարժիչներում թռչնի փետուրներ են հայտնաբերվել։ Այս մասին հայտնում է MBN հեռուստաալիքը։

Ըստ լրատվամիջոցի՝ ինքնաթիռի երկու կողմերի երկու շարժիչներում թռչնի փետուրներ են հայտնաբերվել։ Հեռուստաալիքի տվյալներով՝ դա մեծացնում է այն վարկածի հավանականությունը, որ թռչունների հետ բախումն առաջացրել է շարժիչի խափանում։ Ենթադրվում է նաև, որ դա հանգեցրել է հոսանքի խափանման:

Հիշեցնենք, որ դեկտեմբերի 29-ին Boeing 737-800 ինքնաթիռում գտնվող 181 մարդուց 179-ը զոհվել են, ինչը դարձել է Կորեայի Հանրապետության ամենախոշոր օդային աղետը։