Քալիֆորնիայում այրվում է աշխարհում ամենամեծ մարտկոցային էլեկտրակայաններից մեկը

Քալիֆորնիայի Մոս Լենդինգ քաղաքի խոշոր էլեկտրակայանում հրդեհ է բռնկվել։ Այս մասին հայտնել է Մոնտերեյ շրջանի Արտակարգ իրավիճակների արձագանքման վարչությունը։

Քաղաքի ութ շրջաններում հայտարարվել է տարհանում։ Բնակիչներին խորհուրդ է տրվում փակել պատուհաններն ու դռները և անջատել օդափոխության համակարգերը։

Լրատվամիջոցները հայտնում են, որ հաստատությունը, որտեղ բռնկվել է հրդեհը, աշխարհի ամենամեծ մարտկոցային էլեկտրակայաններից մեկն է՝ տասնյակ հազարավոր լիթիումային մարտկոցներով: