«Երեկվանից փորձում են էս մարդու մահը քաղաքական էժան շահարկումների առիթ դարձնել»․ Վահագն Ալեքսանյան

«Տեսնում եմ, որ երեկվանից «Ուժեղ Հայաստան» կուսակցության ներկայացուցիչները, նրանց հետնորդ ձևավորված Սերժի ճակատի ներկայացուցիչները փորձում են էս մարդու մահը քաղաքական էժան շահարկումների առիթ դարձնել։ Այս պահին թույլ տվեք ընդամենը խորհուրդ տալ նրանց, որպեսզի դա չանեն»,- ճեպազրույցի ժամանակ ասել է ԱԺ փոխնախագահ Վահագն Ալեքսանյանը՝ արձագանքելով լրագրողի հարցին, թե արդյո՞ք իշխանության մեղքի բաժինը կա Արսեն Գևորգյանի մահվան մեջ։ «Մենք ինչքան ասում ենք՝ չխոսենք այս թեմայով, մարդկանց ընտանիքը վշտի մեջ է, բայց եթե մեղքի բաժին են հարցնում, ասեմ՝ մեղքի բաժինը էդ ջահել տղերքին, ջահել կանանց ընտրակաշառքի գործի մեջ թաթախելն է»,- նշել է Ալեքսանյանը։