«Վրաստանն Ադրբեջանին և Հայաստանին առաջարկում է եռակողմ համագործակցություն տարբեր ոլորտներում»․ Կոբախիձե

Վրաստանը Ադրբեջանին և Հայաստանին առաջարկում է եռակողմ համագործակցության նախաձեռնություն տարբեր ոլորտներում։ Այս մասին Բաքվում տնտեսական համագործակցության վրաց-ադրբեջանական միջկառավարական հանձնաժողովի նիստում հայտարարել է Վրաստանի վարչապետ Իրաքլի Կոբախիձեն։
«Մենք անկեղծորեն շահագրգռված ենք կոնկրետ գործնական քայլեր ձեռնարկելու և տարածաշրջանում համագործակցությունը խթանելու հարցում»,- Կոբախիձեի խոսքերն է մեջբերում Վրաստանի կառավարության մամուլի ծառայությունը։
Նախօրեին Վրաստանի արտգործնախարար Մակա Բոչորիշվիլին ասել էր, որ անհրաժեշտության դեպքում Վրաստանը կօգտագործի իր ողջ ներուժը՝ Ադրբեջանի և Հայաստանի միջև խաղաղության հասնելու համար։