«Հանրույթը շատ դաժան է ու միաժամանակ՝ շատ խոցելի»․ Ալեն Ղևոնդյան

Քաղաքական գիտությունների թեկնածու, դոցենտ Ալեն Ղևոնդյանի ֆեյսբուքյան գրառումը. «Հանրույթը շատ դաժան է ու միաժամանակ շատ խոցելի.
մեկ ինչ-որ մեկին աստվածացնում է, դարձնում կուռք, առասպելական կերպար, հետո շատ քիչ ժամանակ անց, այդ նույն կերպարին սարքում է հրեշ, ատելի, հռչակում ոչնչություն:
Ո՛չ առաջին դեպքում նա գիտեր, թե ինչու պետք է փառաբանի այդ կերպարին, ո՛չ էլ երկրորդ դեպքում էր հասկանում, թե ինչու պետք է նրան ատի:
Թե՛ առաջինի, թե երկրորդ դեպքերի համար կան կոնկրետ մարդիկ ու շրջանականեր, որ տեխնոլոգիաներով մեկ հերոս են ստեղծում, մեկ հրեշ:
Իսկ հանրույթն էլ նույն մոլեռանդությամբ դառնում է գործիք սիրելու ու ատելու միջակայքում:
Հ.Գ. Այ դրա համար երբեմն այն, ինչն անգամ ձեր աչքերով եք տեսնում ու ձեզ թվում է անբեկանելի իրականություն, որևէ կապ չի ունենում իրականության հետ. դրան խառնում են էմոցիա, գթասրտություն, մարդկային ապրումակցում և անհրաժեշտ իրավիճակը պատրատ է: Եվ դուք զանգվածով սկսում եք որևէ մեկին ապրումակցել, իսկ մեկ այլ դեպքում մեկին ատել, հրեշ հռչակել»: