«Հայ-ամերիկյան փաստաթղթի միակ շահառուն Նիկոլն է»․ Կարեն Վրթանեսյան

Ռազմական փորձագետ Կարեն Վրթանեսյանի ֆեյսբուքյան գրառումը․ «Հայ-ամերիկյան փաստաթղթի տեքստին ծանոթանալուց հետո արդեն հստակ հասկանալի է, որ այն ոչ թե պայմանագիր է, այլ մտադրությունների արձանագրություն (протокол о намерениях)։

Կողմերի որևէ հստակ չափելի պարտավորություններ, ժամկետներ և դրանք չկատարելու համար պատժամիջոցներ սահմանված չեն։

Կա՛մ կանեն, կա՛մ չեն անի, ու դեռ հարց է, թե այդ արածից Հայաստանը կարո՞ղ է օգուտ ստանալ, թե՞ ոչ։ (Սփոյլեր. քանի դեռ Նիկոլն է Հայաստանում իշխում, ամեն ինչ ի վնաս Հայաստանի է արվելու)։

Այս թղթի միակ շահառուն Նիկոլն է. նախընտրական արշավի ժամանակ այն ներկայացնելու է՝ որպես Վաշինգթոնի «դոբռո»։

Այսինքն՝ Հայաստանի շահերի տեսակետից այն աղմուկը, որն այդ փաստաթղթի շուրջ բարձրացրել էին բացահայտ և ծպտյալ նիկոլական քարոզիչները, ինչպես և կանխատեսում էի, փուչիկ էր։ Այն կարգի փուչիկ, որ նույնիսկ ամերիկյան «Ազատություն» ռադիոկայանն է փորձել կրքերը որոշակիորեն հովացնել»։