Իսրայելը հայտնել է Գազայում հարվածների մասին

Իսրայելի պաշտպանության բանակն այսօր մի շարք հարվածներ է հասցրել Գազայի հատվածում՝ ՀԱՄԱՍ շարժման ​​օբյեկտներին, հայտնում է բանակի մամուլի ծառայությունը։

«Գազայի հատվածում հրադադարը, որը նախատեսված էր 09:30-ին, չի սկսվի այնքան ժամանակ, քանի դեռ ՀԱՄԱՍ-ն Իսրայելին չի տրամադրել պատանդների ցուցակը, որոնք պետք է ազատ արձակվեն»,- այս մասին առավոտյան հայտնել էր Իսրայելի վարչապետ Բենիամին Նեթանյահուի գրասենյակը։

Ynet-ը գրել էր, որ ՀԱՄԱՍ-ը տեխնիկական պատճառներով հետաձգել է պատանդների ցուցակի փոխանցումը։