«Պատժամիջոցները ոչնչացրել են եվրոպական տնտեսության մրցունակությունը». Օրբան

Հունգարիայի վարչապետ Վիկտոր Օրբանը X-ի իր էջում ԵՄ-ին կոչ է արել վերանայել իր դիրքորոշումը հակառուսական պատժամիջոցների վերաբերյալ։
«Բրյուսելի բյուրոկրատների նախագծած պատժամիջոցները հասել են մեկ նպատակի՝ դրանք ոչնչացրել են եվրոպական տնտեսության մրցունակությունը։ Եկել է փոփոխությունների ժամանակը»,- գրել է քաղաքական գործիչը։

Օրբանը հիշեցրել է, որ Մոսկվայի նկատմամբ սահմանափակումները դրական արդյունք չեն տվել, քանի որ դրանք չեն դադարեցրել Ուկրաինայի հակամարտությունը, և Եվրոպան չի կարողացել փոխարինել էներգառեսուրսները։

Անցյալ շաբաթ Հունգարիայի վարչապետը հայտարարել էր, որ ԱՄՆ նախագահի պաշտոնում Դոնալդ Թրամփի պաշտոնավարմամբ նոր դարաշրջան է սկսվում, և ժամանակն է, որ ԵՄ-ն «պատուհանից դուրս նետի պատժամիջոցները» և հարաբերություններ հաստատի Ռուսաստանի հետ։