«Ռուսաստանը պատրաստ է ԱՄՆ-ի հետ հավասար երկխոսության»․ Պեսկով

Ռուսաստանը պատրաստ է ԱՄՆ-ի հետ հավասար երկխոսության, հայտարարել է ՌԴ նախագահի մամուլի քարտուղար Դմիտրի Պեսկովը։
Նախօրեին Թրամփը հայտարարել էր, որ չի ցանկանում վնասել Ռուսաստանին և կոչ է արել դադարեցնել հատուկ ռազմական գործողությունն Ուկրաինայում՝ սպառնալով նոր պատժամիջոցներ և մաքսատուրքեր կիրառել բոլոր ռուսական ապրանքների վրա:
«Մենք պատրաստ ենք երկխոսության, նախագահ Պուտինը բազմիցս խոսել է այդ մասին՝ հավասար երկխոսության, փոխադարձ հարգալից երկխոսության։ Նման երկխոսություն կար երկու նախագահների միջև Թրամփի առաջին նախագահության ժամանակ, և մենք սպասում ենք ազդանշանների։ Սպասում ենք ազդանշանների, որոնք դեռ չենք ստացել»,- ասել է Պեսկովը լրագրողներին՝ պատասխանելով հարցին, թե ինչպես է Կրեմլը գնահատում Ռուսաստանի դեմ պատժամիջոցների քաղաքականության մասին Թրամփի նոր հայտարարությունները։