«Զելենսկին չի կարող պատրաստ լինել հակամարտության կարգավորմանը»․ Պեսկովը հակադարձել է Թրամփին

Վլադիմիր Զելենսկին չի կարող պատրաստ լինել ուկրաինական հակամարտության կարգավորմանը, քանի որ նա ինքն իրեն արգելել է բանակցել Ռուսաստանի նախագահ Վլադիմիր Պուտինի հետ։
Այս մասին հայտնել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով ԱՄՆ նախագահ Դոնալդ Թրամփի հայտարարությունը, թե «Զելենսկին պատրաստ է գործարքի շուրջ բանակցություններին»։

«Զելենսկին չի կարող պատրաստ լինել գործարք կնքելուն, կամ՝ ավելի նպատակահարմար կլինի օգտագործել «կարգավորում» բառը: Որովհետև կարգավորման հասնելու համար անհրաժեշտ են բանակցություններ։ Իսկ Զելենսկին ինքն իր հրամանագրով արգելել է բանակցությունները»,- հավելել է Կրեմլի խոսնակը։