«Պուտինը նպատակ ունի անվերջ դարձնել պատերազմը»․ Զելենսկի

Ուկրաինայի նախագահ Վլադիմիր Զելենսկին համաշխարհային առաջնորդներին խորհուրդ է տվել չկրկնել անցյալի սխալները և Ռուսաստանին իրական խաղաղություն պարտադրել։

X-ի իր էջում նա գրել է, որ Կրեմլի ղեկավարը հերթական անգամ հաստատել է, որ վախենում է բանակցություններից և ուժեղ առաջնորդներից։ Ըստ Զելենսկու՝ Պուտինի ամեն քայլն ու բոլոր ցինիկ հնարքները նպատակ ունեն պատերազմն անվերջ դարձնել։
Ուկրաինայի նախագահը կոչ է արել բոլոր նրանց, ովքեր պատրաստ են ուժի միջոցով մոտեցնել խաղաղությունը, գործել համակարգված և վճռական։ «Աշխարհի առաջնորդները պետք է հաշվի առնեն նախորդ տարիների և այն առաջնորդների սխալները, ովքեր արդեն հեռացել են թատերաբեմից»,- ասել է Զելենսկին։

Հիշեցնենք, որ Պուտինը հայտարարել էր, որ Զելենսկին լեգիտիմ նախագահ չէ, հետևաբար չի կարող ստորագրել Ռուսաստանի հետ պատերազմի ավարտի մասին փաստաթղթերը։