«Ադրբեջանը խաղաղ ճանապարհով ստանալու է այն, ինչ համարում է իրենը»․ Արմեն Ռուստամյան

Ադրբեջանը սպառնալիքների միջոցով ստանում է այն ամենը, ինչ կամենում է։ Իշխանությունները կարծում են, թե սահմանազատումով կստանանք մեր ուզած սահմանները։ Սակայն իրականում Ադրբեջանը խաղաղ ճանապարհով և սահմանազատման ճանապարհով ստանալու է այն, ինչ համարում է իրենը։ Ճեպազրույցի ժամանակ նման տեսակետ հայտնեց ԱԺ «Հայաստան» խմբակցության պատգամավոր Արմեն Ռուստամյանը՝ նշելով, որ ոչ մի պատասխան դեռ չկա՝ Հայաստան-Վրաստան միջպետական ճանապարհից որևէ հատված անցնո՞ւմ է Ադրբեջանի վերահսկողությանը, թե՞ ոչ․ «Կոնկրետ պատասխան չտվեցին իմ գործընկերոջ՝ Գառնիկ Դանիելյանի հարցին։ Եթե ասեն՝ այո՛, անցնում է, ապա ժողովուրդը կընդվզի, եթե ասեն՝ չէ, չի անցնում, Բաքվից կասեն՝ ինչպե՞ս, ի՞նչ ենք խոսել»,- ասաց Ռուստամյանը։