«Էդմոն Մարուքյանից գրպանային ընդդիմություն են քանդակում՝ հանձնարարելով խաղալ հալածյալի դեր»․ Վահե Սարգսյան

Պատմաբան Վահե Սարգսյանի ֆեյսբուքյան գրառումը․ «Լուր է տարածվել, թե Փաշինյանի հրահանգով Տաթև Մատինյանը՝ Էդմոն Մարուքյանի կինը, հեռացվել է զբաղեցրած պաշտոնից: Իբրև պատճառ նշվել է, թե, իբր, Փաշինյանի մշտական համախոհ Մարուքյանը վերջին շրջանում հակաճառում է իշխանությունների հայտարարություններին ու որոշումներին:
Այն, որ Նիկոլ Փաշինյանը բոլորին է փուռը տալու՝ քննարկման ենթակա չէ: Բայց սա այդ դեպքը չէ:
Էդմոն Մարուքյանից այժմ էլ քանդակում են գրպանային ընդդիմություն՝ առայժմ հանձնարարելով խաղալ հալածյալի դերում: Նպատակը պարզ է՝ կորզել Փաշինյանից դժգոհողների ձայներն ու վերջում կա՛մ միանալ նորից շեֆին, կա՛մ հանդես գալ իբրև Փաշինյանի ջեբի «ընդդիմություն»: Կախված իրավիճակից՝ շեֆը կասի, թե որը կանի Էդմոնը:
Հիշեք՝ Էդմոն Մարուքյանը հալածյալ չէ, նա Արցախի հանձնման մեղսակիցն ու հանցակիցն է, այդ հանցավոր օպերացիայի գործիքներից մեկը, որն այդ ճակատագրական փուլում ընտանիքը պահել է դավադրության մեջ թաթախված ձեռքերով:
Էդմոն Մարուքյանը պետք է դատվի, իսկ նրա դավաճանական կերպարը պատմությանն ու սերունդներին պիտի ներկայացվի այնպես, ինչպես Նիկոլ Փաշինյանի խունտայի յուրաքանչյուր ներկայացուցչինը»: