ԵՄ երկրները հաստատել են Ռուսաստանի դեմ պատժամիջոցների 16-րդ փաթեթը

2846

Չորեքշաբթի, 19 փետրվարի, 2025 թ., 15:14

ԵՄ երկրները հաստատել են Ռուսաստանի դեմ պատժամիջոցների նոր՝ 16-րդ փաթեթը, հայտնում է AFP-ն՝ վկայակոչելով դիվանագիտական աղբյուրներին:

Ի թիվս այլ կետերի, համաձայնեցվել է առաջնային ալյումինի ներմուծման արգելքը, պարզաբանել են Reuters-ի աղբյուրները։ Բացի այդ, սահմանափակումներ կկիրառվեն 13 բանկերի, ինչպես նաև նավթի արտահանման «ստվերային նավատորմի» մաս կազմող 73 նավերի նկատմամբ։ Սահմանափակումներ կսահմանվեն նաև այն անձանց և ընկերությունների դեմ, որոնք, ԵՄ-ի կարծիքով, օգնում են Ռուսաստանին շարունակել ռազմական գործողությունները:

Ավելի վաղ Կրեմլը հայտարարել էր, որ Արևմտյան պատժամիջոցները չեն խանգարի Ռուսաստանի և ԱՄՆ-ի միջև ուկրաինական հակամարտությունը լուծելու բանակցություններին։