«Խախտվում է դատարանի անկախության և անաչառության խնդիրը». Սեյրան Օհանյանը՝ դատավորին

«Կարծում եմ, որ որոշակի առումով այստեղ խախտվում է դատարանի անկախության և անաչառության խնդիրը: Որովհետև պաշտպաններին ընդհատելը, բարձ տոնով խոսելը պաշտպանների նկատմամբ, դատավարության կողմերի նկատմամբ իմ ենթադրությամբ խոսում է նրա մասին, որ նախատրամադրվածություն գոյություն ունի»,- «Մարտի 1»-ի գործով դատական նիստի ժամանակ իր դիրքորոշումն արտահայտելիս նշեց ՀՀ Պաշտպանության նախկին նախարար, ԱԺ «Հայաստան» խմբակցության ղեկավար Սեյրան Օհանյանը՝ անդրադառնալով այն հանգամանքին, որ դատավորը նկատողություն տվեց պաշտպաններին՝ ժպտալու համար: «Մենք մեր մեջ վստահ պետք է լինենք, որ դատարանը այս խնդրով անաչառ գործունեություն է ծավալում, որպեսզի համապատասխան մթնոլորտ լինի և յուրաքանչյուր ոք կարողանա իր տեսակետը և միջնորդությունները ներկայացնի»,- ասաց Օհանյանը և ընդգծեց, որ իրենց անցած ճանապարհը խոսում է նրա մասին, որ իրենք գործել են մեր պետության համար և մեր պետության շահերից: «Այս վարույթը չի համապատասխանում իրականությանը, այն քաղաքական ենթատեքստ ունի»,- հավելեց Օհանյանը: