«Մեր օրհներգը ամբողջովին դարձել է «Քեռի Ֆյոդորի» նամակը». Գեղամ Նազարյան

«Օրհներգի առաջին տունը չի համապատասխանում մնացած երեք տների բովանդակությանը: Առաջին տունը ամբողջովին փոխվել է, կտրվել է իր բնօրինակից և դարձել ինքնուրույն ստեղծագործություն»,- Պետական-իրավական հարցերի մշտական հանձաժողովի նիստում «Հայաստանի Հանրապետության օրհներգի մասին» օրենքում փոփոխություններ և լրացումներ կատարելու մասին հարցի քննարկման ժամանակ նման տեսակետ հայտնեց ԱԺ պատգամավոր Գեղամ Նազարյանը: Պատգամավորի խոսքով՝ եթե թարգմանենք մեր խոսակցական հայերենի, առաջին տունը այսպիսինն է. մեր հայրենիքը՝ ազատ, անկախ, որ ապրել է դարեդար, իր որդիներին կանչում է ազատ, անկախ Հայաստան, իսկ հետո գալիս է արդեն ուրիշ տրամաբանություն՝ աղջիկն է հայտնվում և կոչ անում: «Ստացվում է առաջին տունը կոնտեքստից կտրված է: Օրհներգում պետք է ընկալում լինի»,- նշել է պատգամավորը՝ հավելելով. «Մեր օրհներգը ամբողջովին դարձել է «Քեռի Ֆյոդորի» հայտնի նամակը»: