«Իշխանությունը շատ բան է անում, բայց ոչ թե գերիների վերադարձի, այլ չվերադարձի համար»․ Մեխակ Մխիթարյան

«Իշխանությունը շատ բան է անում, բայց ոչ թե Բաքվում պահվող հայ գերիների վերադարձի, այլ չվերադարձի համար»,- լրագրողների հետ զրույցում ասաց ԳԽ նախկին պատգամավոր Մեխակ Մխիթարյանը։ «Այնպիսի տպավորութուն է, որ Ռուբեն Վարդանյանի նկատմամբ առանձնահատուկ պայմանավորվածություն կա, նրա կտտանքներն ինչ-որ վրեժի հետևանք են։ Հիմա Կառավարության շենքի մոտ ենք, բայց տպավորություն է՝ Հայաստանում թուրք-ադրբեջանական դեսպանատան դիմաց ենք, ոչ մի արձագանք չկա։ Թութակի նման կրկնում են, որ եթե հանրայնորեն որևէ բան ասեն, կվնասեն գերիներին, ինչին ես չեմ հավատում։ Ես չեմ լսում նաև Նուբար Աֆեյանի ձայնը, մի քանի օր առաջ տեսա՝ ինչպես էր Փաշինյանի դիմաց կծկված վազվզում, մինչդեռ նա իր ձայնը կարող է ընդհուպ Թրամփին հասցնել։ Ես գտնում եմ, որ միայն Թրամփը կարող է այս հարցը լուծել, եթե կարողանան նրա մոտ հարցը բարձրացնել»,- ասաց Մխիթարյանը։