ԱՄՆ-ում Չինաստանի դեսպանատունը կոշտ է արձագանքել մաքսատուրքերի բարձրացմանը․ #SkyNews

1831

Չորեքշաբթի, 05 մարտի, 2025 թ., 16:26

ԱՄՆ-ն չինական ապրանքների մաքսատուրքերը 10%-ից բարձրացրել է 20%-ի։ Այս կապակցությամբ ԱՄՆ-ում Չինաստանի դեսպանատունը հայտարարել է, որ պատրաստ է պայքարել մինչև վերջ։ Այս մասին հայտնում է Sky News-ը։

«Եթե ԱՄՆ-ն պատերազմ է ցանկանում, լինի դա մաքսային պատերազմ, առևտրային պատերազմ կամ ցանկացած այլ տիպի պատերազմ, մենք պատրաստ ենք պայքարել մինչև վերջ»,- ասվում է Չինաստանի դեսպանատան՝ սոցիալական ցանցերում տարածած պաշտոնական հայտարարության մեջ:
Հայտարարությունը հրապարակվել է այն ժամանակ, երբ Դոնալդ Թրամփն ավարտում էր տնտեսական քաղաքականության վերաբերյալ իր ելույթը: