«Քոչարյանի աջակիցներից կան մարդիկ՝ 7 տարի տիրաժավորում էին Փաշինյանին ձեռնտու ստերի կծիկը». Հայկ Մամիջանյան

«Խորհրդարանական երկու խմբակցությունների միջև խզում չկա»,- Խորհրդարանական ճեպազրույցների ժամանակ ընդգծեց ԱԺ «Պատիվ ունեմ» խմբակցության պատգամավոր Հայկ Մամիջանյանը՝ ի պատասխան հարցին, թե «հաղթահարվելո՞ւ է խորհրդարանական երկու խմբակցությունների միջև խզումը»: «Նախագահ Քոչարյանի աջակիցների մեջ կան մարդիկ, որոնք պարզվեց, որ 7 տարի է տիրաժավորում էին այն ստերի կծիկը, որը բացառապես ձեռնտու է Նիկոլ Փաշինյանին, ու պարզվեց, որ այդ մարդկանցից մեկը Քոչարյանի գրասենյակի ղեկավարն է»,-նշեց Մամիջանյանը: Պատգամավորը փաստեց, որ «Հանրապետական»-ը ունի մի սկզբունք՝ «որպես ՀՀ-ում գրանցված առաջին հասարակաքաղաքական միավոր, մենք պիտի արժանի լինենք մեր հիմնադիր հայրերին՝ ունենալով մեկ գաղափար՝ անկախ, հզոր ՀՀ և Արցախ»: «Մենք դրա համար կանենք ամեն ինչ, թե այդ ընթացքում մեզ ով կօգնի և ով կխանգարի, իրենց կդատի պատմությունը»,- հավելեց Մամիջանյանը: