«Եթե որոշեմ Ուկրաինայում անջատել «Starlink»-ը, նրանց ԶՈւ առաջնագիծը կփլուզվի». Մասկ

Ամերիկացի ձեռնարկատեր Իլոն Մասկը X սոցցանցում հայտարարել է, որ Starlink արբանյակային ինտերնետ համակարգը ուկրաինական բանակի ողնաշարն է, և եթե որոշի անջատել այն, Ուկրաինայի զինված ուժերի առաջնագիծը կփլուզվի։
«Իմ Starlink համակարգը ուկրաինական բանակի ողնաշարն է: Նրանց ամբողջ ճակատային գիծը կփլուզվի, եթե ես անջատեի այն»,- գրել է Մասկը:
Ավելի վաղ արևմտյան լրատվամիջոցները հայտնել էին, որ ամերիկացի բանակցողները, իբր, ԱՄՆ-ին ուկրաինական հանքային ռեսուրսների հասանելիություն ապահովելու գործարքի քննարկման ժամանակ բարձրացրել են Starlink արբանյակային ինտերնետ համակարգի մուտքի դադարեցման հարցը: Սակայն ավելի ուշ Starlink-ի սեփականատեր, ԱՄՆ Կառավարության արդյունավետության դեպարտամենտի (DOGE) ղեկավար Մասկը հերքել է այս տեղեկությունը։