«2023-ին ձեր ծախսերը կազմել են 41,3 մլն դրամ, աշխատավարձի մեջ ո՞նց եք տեղավորվելու»․ Դանիել Իոաննիսյանը՝ Հակակոռուպցիոն կոմիտեի նախագահի թեկնածուն

Ընթանում է Հակակոռուպցիոն կոմիտեի նախագահի թեկնածուների հարցազրույցի փուլը։ Այս պահին հանձնաժողովի անդամների հարցերին պատասխանում է Կարեն Բատիկյանը, ով եղել է Կենտրոն վարչական շրջանի նախկին դատախազը, այժմ փաստաբան է։
Հանձնաժողովի անդամ, ԻՔՄ ծրագրերի համակարգող Դանիել Իոաննիսյանը ներկայացնելով թեկնածուի հայտարարագրից որոշ մանրամասներ՝ հարցրեց․ «Ձեր ընտանիքի՝ 2023 թվականի ծախսերը կազմել են 41,3 մլն դրամ, ըստ հայտարարագրի, եթե Հակակոռուպցիոն կոմիտեի նախագահ դառնաք, էդ աշխատավարձի մեջ ո՞նց եք տեղավորվելու»։
«Կտեղավորվեմ»,- պատասխանեց Կարեն Բատիկյանը՝ նշելով, որ աշխատելու դեպքում 700-800 հազար դրամ կենսաթոշակ է ստանալու՝ այժմյան 402000-ի փոխարեն։ Նա նաև ներկայացրեց, որ 2022 թվականին ավելի մեծ եկամուտ է ունեցել որպես դասախոս, կենսաթոշակառու և որպես անհատ ձեռներեց։