Կիրակի, 04 հոկտեմբերի, 2026 թ.
|
Ստեփանակերտում`   +10 °C

«91-ից ձևավորված հայկական քաղաքական դասի պատկերացրած աշխարհի մեխանիկան կործանարար է». Վահրամ Մարտիրոսյան

«91-ից ձևավորված հայկական քաղաքական դասի պատկերացրած աշխարհի մեխանիկան կործանարար է». Վահրամ Մարտիրոսյան
274
Հինգշաբթի, 13 մարտի, 2025 թ., 01:24

Գործարար Վահրամ Մարտիրոսյանի ֆեյսբուքյան գրառումը․ «Թրամփն ու իր թիմը կարծես հայկական քաղաքական դպրոցից լինեն։ Հայկական դպրոցի երկու հիմնարար սկզբունքներն էլ առկա են՝ կարծում են, որ ամեն ինչ որոշվում է ցանկություններով և չեն տարբերում դիվանագիտական խոսույթը իրական մտահաղացումից։
Օրեր առաջ Քոչարյանը ոգևորված պատմում էր, թե ինչ հնարամտությամբ է շրջանցել Հեյդար Ալիևի առաջարկությունները։ Մեկը չհարցրեց՝ լավ, այդ ամենը Հեյդարի խոսույթն է եղել, բա նրա իրական մտահաղացումը ինչում էր կայանում։
Լևոնականները մինչև հիմա հավատում են, որ 1997-ի փուլային առաջարկն Ադրբեջանը ընդունելու էր։ Իսկ իրականում այդ ժամանակ Ադրբեջանի իրական մտահաղացումն արդեն ամբողջովին այլ էր և նույնիսկ այդ զիջողական առաջարկի հետ հատում չուներ։
Որ ասում են՝ նոր ուժ, նոր ուժ... Գլխավոր խնդիրը և մարտահրավերը ոչ թե հերթական ընդիմադիր միավորի ստեղծումն է, այլ աշխարհայացքով տարբերվող այլընտրանքի ձևավորումը։ 91-ից ձևավորված հայկական քաղաքական դասի պատկերացրած աշխարհի մեխանիկան կործանարար է։ Տարբերվող, նոր մեխանիկա պետք է առաջարկվի։ Եվ այդ մեխանիկան պետք է կառուցվի փորձով և նախադեպերով հիմնավորված ապացուցողական բազայի վրա, այլ ոչ թե նոր աննախադեպ հեքիմություններ առաջարկի»։

Աղբյուրը`   Վահրամ Մարտիրոսյան